September Because I love you

Сонирхолтой дуу. Ер нь дуучдыг харж байхад нэг амжилт олсон дууныхаа ая хөгөнд тохируулж дараагийн дуугаа гаргадаг. Тэдний бодлоор эхний гаргасан дууны амжилт нь сэтгэлийг нь хөдөлгөж ахин амжилтаа батлахыг оролддог бололтой.

Гэхдээ дахин хит болж амжилт гаргасан ховор яагаад гэвэл copy (хуулбар) болхоор тэр. Ер нь хүний сэтгэлээ шингээсэн, цагаа зарсан, хийж байгаа зүйлдээ өөрөө орсон хүний бүтээл олон түмний хүндэтгэлийг хүлээдэг жамтай.

Guyes 666 Сайн уу? Амьдрал минь

Сайн уу? Амьдрал минь гэдэг кино бараг гурван жилийн өмнө байх аа нээлтээ хийсэн санагдаж байна. Гурван салангид үйл явдал гардаг байх.

Энэ киноны дуу нь гоё. Тэр тусмаа хавар хонхны баяр болоод эд өндөрлөж байгаа энэ үед сонсоход гэмгүй.

Guyes 666 Чамдаа зориулье

Энэ дуу хэдэн ч жилийн өмнө гарч байсан юм мэдэхгүй. Анх сонсоход их таалагдсан. Guyes 666 хамтлагийн тодорхой хэдэн уран бүтээлүүд их таалагддаг.

Тэр тусмаа сүүлд хийсэн дуунууд нь их чанарлаг. Гэхдээ энэ үг нь одоог хүртэл уран бүтээлээ хийж байгаа гэсэн үг биш. Одоогоор би Guyes-ийн шинэ уран бүтээл гарсаныг мэдэхгүй. Ямартаа сонсоод үзээрэй их дажгүй. Жаахан амраад авхад илүүдэхгүй.

Хороололын нэгдүгээр дайн

Сайн байна уу? Эрхэм хүндэт уншигч та. Өнөөдөр их сайхан өдөр болж байна. Гадаа ойрд хүйтрээд ерөөсөө болж өгөхгүй байсан. Энэ өдөр сайхан дулаахан эхэлж байна. Бага насны нэг хөгжилтэй явдал санагдаад сэтгэл, санаа нэг тухгүй тогтож өгөхгүй болгочихлоо. Заавал бичиж байж санаа амармаар санагдаад болдоггүй. 12 настай байхад ойролцоогоор 1994 он юм уу даа. Хороололын дайн гэж бөөн юм болсон юм. Нийтдээ миний оролцсон 2 дайн байдаг.

Хороололын нэгдүгээр дайн.

Дайны өмнөх үе.

1994 оны зун дунд сар бороо сайхан ороод хөрс дэвтээд шавар хатаж байсан үе. Манайх гэдэг айл уулын дэнжид хэдэн дүнзэн байшин хашаа нийлэн гудам үүсгэж амьдардаг байлаа. Манайхын хажууд буурай аавын өвөлжөө байдаг өвөл нь төвдөө өвөлжөөд зундаа зусландаа гардаг байсан юм. Зуны дэлгэр цагаар өвөөгийн хашаанд хүн амьтан байхгүй байдаг учир. Өвс ногоо нь жигтэйхэн өндөр ургасан байсан юмдаг.

Орон нутгийн маргаан

Нэг өдөр аав ээж ажилдаа явсан хоёр дүүтэйгээ гэртээ үлдлээ. Өвөөгийн өвөлжөөн дээр гарсан чинь Цаад хашааны Сарипо хамаатныхаа хүүхдүүдийнхээ хамт модон буугаар байлдаж тоглож байна. Тэгхээр нь манай өвөөгийн хашаанаас гар гэж тэдэнд хамаарах хүний хувьд тушаалаа. Тэр хүүхдүүд улсаад бол манайд хамаарах нутагт хил нэвтэрч хээрийн сургуульт хийж байж. Бид чинь чөлөөт ардчилсан улсын иргэн хүнийхээ хувьд шаардлага тавих нь зөвөө. Нөгөө муу дайснууд хүний олон хүчний давуугаа (Надаас 4 насаар ах нэг хүүхэд байсан юм) ашиглан биднийг үл тоолоо. Бид харин эзэн хүний ёсоор тулалдаан бэлтгэж эхэллээ, мэдээж өвөөгийн өвөлжөө манай гэрийн талд байсан учир бид өвөлжөөний дээвэр дээр гарсан юм. Өвөлжөөний дээвэрийг гялгар цаасаар бүрээд шар шавараар хучсан байсан учир өнөөх нь яг дайн байлдаан хийхэд үнэхээр зохицсон (бага зэргийн чийгтэй шавар хүүхэд оногдлоо гэхэд гэмтэл авхаар биш) зэвсэг болсон.

Ой хөвчөөр зорчих нь

2009-08-29 04:45:00

Наран ургах зүгрүү арван хэдэн насандаа анд найз нөхөдтэйгээ ахин нэг овооны наадамд хээр морио унаад явахыг хүснэ. Ойн хөвч ууланд олон даваа туулан овооны наадамд явахдаа замд таарах хот айлын олон нохойдыг хуцуулж уралдах сайхан.

Үд дундын нар өндийхөд уулын горхид хүрнэ. Өөр хоорондоо хөгжилдөн адуугаа услах үйлдэл нь цаанаа хэзээний нэг адуучин малчин ах нар болсон мэт даанч жаргалтай.

Уламжлалт унаа одоо хүртэл /Морин тэрэг төв замаар/

2009-04-08 12:18:46

Улаанбаатар хотын нийслэлд тээврийн хэрэгсэл урин дулаан цаг ойртож байгаатай

холбогдуулан төрөл бүрээр явах боллоо. Харин энэ зураг энэ агшин.

Монголын уламжлал зохист ёсоор мөнх оршиг!

Олон нийтийн соёлтой, үнэгүй амралтын газар

2009-04-08 12:10:55

Сүхбаатарын талбай бол баригдсан цагаас гэж худлаа яриад яахав миний мэдэхийн л нийтэд зориулсан баяр ёсолын үйл ажиллагаа хамгийн их болдог газар.

Сүүлийн хэдэн өдрүүдэд тэнгэр хангай таатай байгаа нь Сүхбаатар жанжины талбай дээр ирэгсэд өчнөөн олон байна. Энэ жилийн хаврын хувьд жагсаал хөдөлгөөн ойрд болоогүй амар тайван байна.

20 давхар өндөр барилга

2009-04-07 19:42:16

Улаанбаатар хотын төвд “Шангрила” зочид буудал сүндэрлэсэн байна.

Энэхүү барилгын талаар олон хэл ам байдаг. Тодруулбал хятадын хөрөнгө оруулалттай, ийм нэртэй зочид буудал Гонконг, Тайванд баригдаж байсан.